Boko Haram man naupangte'n an hming an hre tawh lo

Nigeria helpawl, Boko Haram-in nupang kum 5-18 an man 80 vel chu Cameroon-a an camp aṭangin chhan­chhuah an ni a, mahse heng naupangte hian an hming pawh an hre tawh lo niin official-te chuan an sawi.

National Democratic Institute (NDI) director, Christopher Fomunyoh chuan nikum November thlaa Cameroon hmarlam camp aṭanga chhan­chhuah, naupangte hi a tlawh a, mahse tu nge an nih tih pawh an lo inhre tawh lo a ni, a ti.

Boko Haram hian Nigeria hmarchhak biala khaw eng emaw zat chu an thunun mek a, an ram lak chinah hian Islam state din an tum a ni.

Tun hnaiah Islamic State (IS) firfiak pawl an thlawp thu an sawi bawk.

Fomunyoh chuan heng naupangte hian an nu leh pate, an khaw mite an be pawp lo a, chhui zui ngaihna pawh an hre tawh lo niin a sawi.