European Union-in Israel a sawisel

European Union (EU) chuan Israel sorkarin EU bul tuma East Jerusalem-a Palestinian chenna in sak a tichhia chu a dem thu a sawi.

EU hian Bedouin hnam awm lailawkna tura in 200 sakna tur sum a pe a, mahse heng in sakte hi Israel sipaite chuan bulldozer hmangin an tichhiatsak a ni.

Jerusalem municapality thupuangtu chuan Israel Nature and Parks Authority-in national park huam chhungah in hi sak a nih avangin ti­chhe turin a ti a, he hmuna chengte pawh insawnchhuak turin a ti a ni, a ti.

Tualchhunga mite chuan March 1 khan Israel sipaite hnen aṭangin an inte chu tichhe tura thupek an dawn thu an sawi a, an tihchhiat duh loh avangin sipaite hian bulldozer hmangin an nawr chhiatsak ta a ni.