Brazil rorellai party thamna laah puh a ni

Brazil-a rorellai, President Dilma Rousseff-i party, Workers' Party chu sorkar hnuaia oil company, Petrobras hnen aṭanga dollar maktaduai 200 dawnga puh a ni.

Thamna dawnga puhtu hi Petrobras executive hlui, Pedro Barusco a ni. He thilah hian tuna party treasurer ni lai pawh chu a inhnamhnawih ngei niin a sawi. Mahse Workers' Party chuan dan ang thlapa donation an pek bak sum an dawng lo tih a sawi.

Kum sarih chhung zet Petrobras board chairman lo ni tawh, President Rousseff chuan an party puhna chungchang hi hriat engmah a neih loh thu a sawi bawk.

Barusco chuan Petrobras hotu a nih lai khan engineering leh construction company lian te hnen aṭangin sum tam tak an dawng a, heng company-te hian Petrobras aṭangin contract lian tham pek an ni, a ti. Sum an dawnte hi rorellai party hian a hlawkpui a, thamna dawngtu zing­ah hian party hruaitu eng emaw zat an tel a ni, a ti.

Petrobras scheme kalpui dan chungchangah Supreme Court pawmpuinain politician eng emaw zat chu chhuichian mek an ni. Chhui zingah hian Congress chamber pahniha speaker leh president hlui pawh an tel.