Saudi lal-in hmasawnna kalpui zel a tiam

Saudi Arabia lal, King Abulldah a thih hnua kumin January thlaa a ai awhtu, King Salman bin Abdulaziz Al-Saud chuan a vawikhatna atan Thawhlehni khan TV kaltlangin an ram mipuite hnena thuchah a sawi.

King Salman chuan education leh healthcare tihchangtlun a tiam a, hei bakah hian man tlawm zawka chenna tur in tam zawk siam dan kawng dap a tiam bawk.

King Salman chuan, "Kan rama mitin te hi ka ngai pawimawh a, Saudi mi tawh phawt chu mi­lian leh te awm loin ang khat vek an ni," a ti.

Khawvela oil man tlahniam zel chuan an ram hmasawnna tur a dal loh tur thu sawiin, Saudi lal chuan oil leh gas zawn­chhuah hna chu an thawh chhunzawm zel tur thu a sawi. Saudi Arabia hi khawvela oil siamchhuaktu ram lian ber dawttu a ni.