SKorea-in social distancing dan khauh zawkin kalpui

South Korea chuan an ramah Covid-19 kai an pun leh avangin hri darh tur venna atan, kar khat chhung social distancing dan chu khauh zawka kalpui leh a tum. 

Kaihhruaina khauh zawk hnuaiah hian restaurant-te zan dar 9 aṭanga a tuk zinga dar 5 inkarah chuan sem chhuah chauh phalsak an ni ang. Coffee dawr leh bakery-te pawh sem chhuah chauh phalsak an ni bawk. 

Indoor sports, gym leh swimming pool-te hawn phal a ni lo a, Seoul leh Gyeongngi province-ah offline class neih phal a ni lo a, nursing home leh hospital-te chu a ṭul tawpah lo chuan tlawh khap a ni bawk a ni.

Hri kai an pun chhoh leh avangin August 16 aṭang khan Seoul metropolitan area-ah Level 2 social-distancing guideline hman ṭan a ni a, hei hi sorkar chuan a pawhsei chhunzawm a ni. Nimin khan SKorea-ah hian hri kai hmuh thar mi 198 an awm leh a, an rama hri kai hmuh tawh hi mi 20,842 an tling tawh.