Myanmar President-in Kayah state CM a ban

Myanmar president U Win Myint chuan Ningani khan state sum tichingpena puh, National League for Democracy (NLD) member Kayah state chief minister L Phaung Sho chu a ban. 

President chuan Phaung Sho banna thupek a tihchhuah hnuah, Kayah State Agriculture, Livestock and Irrigation Minister U Bosco chu acting CM atan a ruat zui bawk. 

Thawhlehni khan Kayah State parliament chuan chief minister paihthlakna tur motion put luh chu a lo pawm tawh a ni. Hemi hnu hian an ram danpui kalphung angin, Chief Minister paihthlak remtihna resolution an pass hi president hnenah an thehlut a, President hian official-in a lo ban ta a ni. 

L Phaung Sho hi state sorkar sum tichingpena puh a ni bakah, parliament-in public place atana  a dah ram chu kum 50 chhung sumdawnna hmun atana hman turin midang a lo pe niin an sawi. Phuang Sho hi Myanmar ram danpui hnuaia state parliament-in chief minister aṭanga paihthlak tura a rel hmasak ber a ni.