Donald Trump-a'n Republican Presidential nomination a pawm
US president Donald Trump chuan kumin November thlaa president thar thlanna neih tura Republican party-in a term hnihna tura party president candiate atana a nominate-na chu an ram huna Ningani zan khan a pawm thu a sawi.
Republican National Convention tawp zanah Trump hian White House-a South Lawn aṭangin nomination a pawm thu hi sawiin, kum li chhung an thawhhona avangin an ramah hmasawnna duhawm tak tak an thlen thei a, kum li dang America tan thil ropui tak an ti leh thei ngei dawn tih a rin tlat thu a sawi. President candidate atana an rawtna chu lawm takin a pawm tih a sawi a, America tana hmathlir a neihte a sawi a, khawvela economy awm tawha ropui ber an din tur thute a sawi. Inthlan neih tura Demcorats president candidate Joe Biden pawh bei let nghalin, America chhanhimtu tur ni loin, a ropuina tichhetu zawk tur a ni, a ti. Hei vang hian inthlan an neih tur chu American Dream chhanhim an duh leh duh loh fiahna tur a nih a sawi bawk.
US President thar tur hi kumin November 3-ah thlan a ni dawn a, Donald Trump chuan a thawhpui, a vice candidate atan Mice Pence a thlang leh a, Demcoract candidate Biden chuan senator Kamala Harris a thlang a ni.