Japan-ah UN Disaster Meeting nei dawn

United Nations chuan Inrinni hian Japan-ah ni nga awh tur disaster meeting a huaihawt dawn a, he hunah hian chhiatna thleng laka inven dan leh tihnep a nih theih dante sawi ho a ni ang.

Disaster Meeting hi kum 10 hnuah a ṭum khatna a ni a, meeting neih hnuhnung ber chu kum 2004 December thlaa Japan rama tsunami rapthlak tak a thlen hnu lawk khan neih a ni.

UN Office for Disaster Risk Reduction (UNISDR) chuan leilung chhiatna thleng vanga khawvel hmun hrang hranga sum hloh zat chu kumtin dollar tluklehding­awn 250-300 a tling ṭhin niin a sawi.

Meeting hi Japan hmarchhak lama Sendai khawpuiah neih a ni dawn a, UN Secretary General Ban Ki-moon pawhin a telpui ang. NGO leh pawl dang hrang hrangte an tel dawn a, a buatsaihtute chuan meeting-ah hian mi 40,000 vel an tel theih an beisei.