China-in ramdang tlawha Dalai Lama zin an duh lo

US state department leh White House thuneitute chuan August 21, Nilaini khan New York-ah Dalai Lama inkawmna hun an neihpui a, hei hi China chuan a helh hle. China foreign ministry thupuangtu Mao Ning chuan khawvel ramdanga Dalai Lama zin chu an duh lo tih sawiin, eng thil ti tura zin pawh ni se an pawm ngai dawn lo tih a sawi.

Kum 89 mi, Dalai Lama hi Tibetan Buddhist hotu niin China chuan Tibet a awpna dodal theitu nia an hmuh avangin hnawk an ti hle. China hian Dalai Lama chu inlakhran duhtu a ni tiin ramdang thuneitute nen inhmu lo se an duh a ni. China chuan US chet dan an duh loh thu an hrilh tawh tih foreign ministry chuan a tarlang.

China hian thla liam ta khan US-in dan thar a siam, Tibet huamchhunga chengten rorelna kawnga thuneihna sang zawk pek an phutna rang zawka chinfel tura China a duhna, US president Joe Biden-a'n a hming a ziah hnan chu an lo sawisel tawh bawk. Tibetan buaina ching fel tura special coordinator ruat chu an ramchhung inrelbawlnaa inrawlhna a ni tih Chinese foreign ministry hian a lo sawi tawh a ni.