Venezuela-ah sorkar thlawpna lantirin mipuiten kawng an zawh

Venezuela mipui­te chuan an ram sorka an thlawpna lantir leh, ram inrelbawlnaa US inrawlh an duh lohna lantirin Ningani khan an ram khawpui Caracas leh state khawpui 23-ah kawng an zawh.

Mipui kawngzawh zinga a tam zawk chuan an hnam puanzar sinin, President Nicolas Maduro-a kaihhruai sorkar an thlawpna thu an aupui.

Caracas-a national palace pawna mipui pungkhawmte hmaah President Maduro chuan thu sawiin, US-in an ram hrekna thar a siam leh, a kaihhruai sorkar nekchep tuma a beihna mipuite an duh lohzia an lantir chu lawmawm a tih thu a sawi.

President chuan Venezuela mipuite inlung­rualna chuan US-in an ram a rahbeh tumna chu a dang dawn a ni, a ti a, Venezuela mipuite chuan an ram thuneihna leh muanna vawnghim turin an bei zel dawn a ni, a ti.