Ebola vanga thi 10,000 an tling tawh

Africa khawthlang lama hri leng mek, Ebola vanga thi chu mi 10,000 an tling tawh.

Ebola hri leng hi Guinea, Liberia leh Sierra Leone te’n an tuar nasa ber a, nikum March thlaa hri a len aṭang khan ram pathumah hian mi 10,004 in an thihpui tawh a ni. Nigeria-ah mi pariat, Mali-ah paruk leh US-ah mi pakhatin Ebola hri hi an thihpui tawh bawk.

Hri leng khuahkhirh tur hian ram hrang hrangte puihnain Africa khaw­thlang ramahte hian theihtawp chhuah a ni a, hun eng emaw chen chu a hri vei an tla­hniam hman a ni. Mahse tun hnaiah hri vei thar hi an pung chak leh hle thung. Sierra Loene-ah chuan kar kalta chhung an rama district pali-ah Ebola hri hi a darh leh nasa hle niin an sawi.