Maldive President hlui kum 13 tang dawn

Maldive President hlui leh eptu pawl hruaitu, Mohammed Nasheed chu Prseident a nih laia Supreme Court Chief Justice a ban avanga dik lo taka thuneihna hmanga puh a nihnaah thiam loh changin, kum 13 jail tang tura hrem a ni.

Nasheed hi thla hmasa khan a thubuai neih­te titawp sak a ni a, mah­se Anti-Terrorism law hnuai­ah man lehin a chung­thu hi ngaihtuah ṭhat leh a ni. Kar kalta Zirtawpni khan Male-a Cri­minal Court chuan thiam loh a chantir ta a ni.

President hlui, Na­sheed hian kum 2008-a inthlanpui neihah khan Maldive-a kum 30 chhung lo rel tawh, Moumoon Abdul Gayoom chu a hneh a, mahse kum 2012 khan President a nihna aṭanga bang tura nawrtu, Su­preme Court Chief Justice a ban a ni. Kum 2013 inthlan­puiah khan a chak zo lo a, President Abdulla Yameen-a kaihhruai sorkar thar chuan Chief Justice a ban chung­changah hian thubuai a siamsak zui ta a ni.

Kum 13 tang tura hrem a nih avangin Nasheed-a political career a chhiat phah dawn a, kum 2018-a President thlanna neih tur pawh a chuh thei dawn lo a ni.

Mahse Nasheed chuan politics-a a hmelmate'n amah tihchhiat an tumna a ni tih a sawi a, amah ṭan­ tute chu sorkar laka an lung­awi lohna lantir chhunzawm zel turin a chah.