Pakistan biak-in bulah bomb a puak, mi 4 an thi

Lahore, Pakistan-a Kristian biak-in pahnih bulah nimin khan bomb a puak a, mi pali an thi a, midang 20 in hliam an tuar.

Bomb puahna hi Saint John Catholic Church leh Christ Churh awmna bul, Youhanabad bialah a ni a, he hmun hi Kristian-te tamna hmun nia sawi a ni.

Police-te chuan bomb puahna hmun hi an enfiah nghal a, hliam tuarte pawh Lahore General Hospital-ah hruai an ni. Hliam tuar zinga ṭhenkhat chu an ngaihtuah­awm hle nia sawi a ni.