Ralthuam thawnchhuaktu ram lian pathumna China

Stockholm International Peace Research Institute (SIPRI) in report a tihchhuah tharah, China chu khawvela ralthuam thawn chhuaktu ram lian pathumna a ni.

China-in kum 2000-2014 chhunga ralthuam a thawnchhuah zat hi a hma kum nga liamta aiin 143% a pung a, ralthuam thawnchhuah hnem lamah Germany, France leh UK te khum a ni. US leh Russia chauh a tluk pha lo.

Khawvela ralthuam thawnchhuah zawng zawng zinga 5% chu China thawnchhuah a ni. Heng ralthuam a thawnchhuah zinga hmun thuma ṭhena hmun hnih chu Pakistan, Bangladesh leh Myanmar ramah thawn a ni. Economy lian ber dawttu ram, China hian kum nga chhung hian Africa ram 18 te tan ralthuam a thawn chhuak bawk.

Ralthuam thawn­chhuak tam ber, US aṭanga thawnchhuah hi khawvela ralthuam thawnchhuah zawng zawng zinga 31% a tling pha a, Russia chu 27% a tling bawk. Heng ram pahnihte'n an thawn­chhuah zat hi kum nga kalta chhung khan 23% leh 37% in a pung a ni.