Israel Prime Minister thlawptute'n kawng zawh

Israel Prime Minister Benjamin Netanyahu thlawptute'n Pathianni khan Tel Aviv-ah kawng an zawh.

Naktuka inthlanpui neih turah Netanyahu hian chuh leh a tum a, mahse tun hnaiah eptu pawl, centre-left Zionist Union an chak thar hle. Mipui ngaihdan lak hnuhnung berah pawh Netanyahu-a party, right wing Likud Party hian Zionist Union hi a pha lo.

Tel Aviv-a kawngzawhnaah hian Netanyahu chuan thu sawiin, Israel mipuite chu an party vote ngei turin a ngen. Israel leh Palestinian inkar buaina chung­changa Zionist Union hruaitute ngaihdan chu sawiselin, Zionist party hian sorkar an siam a nih chuan an ram tan a hlauh­awm thei dawn a ni, a ti.

Zionist Union hruai­tu- Issac Herzog leh Tzipi Livni-te chu West Bank leh East Jerusalem-a Juda-te chenna in sak dodalah Netanyahu chuan a puh a, hei bakah hian Palestinian-te'n an khawpui atana East Jerusalem hman an tum pawh an remtihpui niin a sawi.

"Jerusalem pumkhatna hi vawnhim zel kan duh a, Jerusalem hi kan din a ni a, mahse hei hi Tzipi leh Issac-te ngahdan a ni ve lo a ni," tiin Netanyahu chuan a sawi.