Mohammed Nasheed-a dilna hnawl a ni

Maldive President hlui, Mohammed Nasheed-a'n anti-terrorism law hnuaia kum 13 tang tura thiam loh chantir a nih hnua a manna thupek ngaihtuah nawn tura a ngenna chu hnawl a ni.

Nasheed hi President a nih laia Supreme Court judge a ban tir avangin a thuneihna dik lo taka hmanga puhin thubuai siam­sak a ni. A thubuaiah hian thiam loh changin kum 13 tang tura hrem a ni.

A thubuai ngaihtuah nawn tura a ngenna, court-a ngaihtuah a nih dawnah mipuite tana kawng hawn a nih loh avangin Nasheed hi courtroom-ah a lut duh lo a, hei vang hian February 22 khan manna tur thupek tihchhuah a ni. Manna tur thupek tihchhuah hi ngaihtuah ṭha leh turin ngen mah se, Pathianni khan High Court chuan a ngenna hi a hnawlsak.