Brazil President bàn an phút

Brazil President Dilma Rousseff ban phutin Pathianni khan mi maktaduai chuangin Brazil ram chhung hmun hrang hrangah kawng an zawh.

Kawng zawh zinga a tam zawk hian Brazil flag rawng ang, thawmhnaw rawng eng leh hring an inbel a, buaina chhuak a awm lo.

Sao Paulo-ah kawngzawh an tam ber a, police-te chuan mi maktaduai khat an tling niin an sawi. Brazil kahwpui, Brasilia-ah chuan mi 45,000 velin kawng an zawh. Buenos Aires, London leh Sydney-a Brazil embassy leh consulate-ahte lungawi lohna lantir a ni bawk.

Mipuite chuan an ram sum dinhmun chhe zel leh sorkar hnuaia oil and gas company lian, Petrobras sum tihchingpen danah an lungawi loh thu an sawi.

Brazil ramah hian thil man nasa taka a san avangin mipuite'n harsatna an tawk mek a, tun hnaiah Petrobras thamna chungchang hailan a ni leh chuan mipuite thin a tithinur zual a ni.