Thailand : Leimin vangin mi 13 an thi

Thailand-a chawlh hmanna thliarkar, Phuket-ah leimin avangin mi 13 an thi tih thuneituten nimin khan an puang. Thi zinga pahnih hi Russian an ni tih an tarlang bawk.

Phuket Governor Sophon Suwannarat chuan kar liam taa ruah sur a tam avangin leimin hi a thleng a tih sawiin, chhiatna thlenna hi Big Buddha bul, khualzinte hmun tlawh duh tak a ni tih a sawi. Sophon chuan nunna chan mi 13 zinga pakua chu Myanmar aṭanga inhlawh tura an rama awm an nih thu leh, Russian pahnih bakah Thailand khua leh tui pahnih an awm tih a sawi bawk.

Governor hian leimin vanga hliam tuar mi 20 an awm tih sawiin chenna in 209 a tichhia tih a sawi bawk. Leimin thenfai hna hi thawh mek a ni a, thuneitute chu chhiat tawk chhungte leh an ram embassy nen an inbepawp reng a ni, a ti.

Asia chhim chhak lamah tunhnaiah ruah a tam avangin Indonesia ramah chhiatna a thleng bawk. Indonesia-a Ternate thliarkarah Pathianni khan sabereka-khuangkaih vangin mi 11 in nunna an chan a ni. Chhanchhuah hna thawktute chuan ruang 10 an hmu tawh a, pakhat an la zawng mek tih thuneitute chuan an tarlang.