IS zawm tuma puh, US official hlui thubuai siamsak
US Air Force mechanic hlui chu Syria-a Islamic State (IS) firfiak pawl zawm tuma puhin thubuai siamsak a ni.
Tairod Nathan Webster Pugh, kum 47 mi hi kum 1986-1990 khan Air Force-ah avionics and instrumentation specialist a ni a, firfiak pawl ṭanpui tuma puh a nih bakah, amah puhna laka finfiahna awmte tichhiaah puh a ni bawk.
US President Barack Obama-a'n attorney general atana a rawt, Loretta E Lynch chuan, "US-a piang leh seilian, Pugh hian a ram hnuchhawnin Syria-a firfiak pawl zawm tur hian kal a tum a ni," a ti. Lynch chuan US leh a thawhpui ramte himna tiderthawng thei tur awmte chu ramchhung emaw, rampawn emaw pawh ni se an do let zel dawn tih a sawi.
Thuneitute chuan Pugh hian January 10 khan Syria-a IS-te zawm tumin Egypt aṭangin Turkey a pan a, mahse Egypt-ah hian thawn let leh niin heta ṭang hian January 16 khan US-ah thawn kir a ni a, man a ni nghal a ni.
A thubuaiah hian thiam loh chantir a nih chuan Pugh hi kum 35 thleng lung-in tantir theih a ni ang.