Myanmar-a Kokang bialah hel leh sipaite an innei
Myanmar rama Kokang bialah Thawhlehni khan Kokong hel pawl leh sorkar sipaite an inkap leh.
Myanmar National Democratic Alliance Army (MNDAA) hel leh sorkar sipaite hi Laukkai bula hmun pathumah an inkap a, sipai pathum thiin pali-in hliam an tuar. Helho hian ruang pathum leh an ralthuam ṭhenkhat an tlanchhiatsan bawk.
Sipaite hian helho kut aṭangin tlangdung ṭhenkhat an la let tawh a, helte hi hmar lam leh hmarchhak lamah an tlanchhia a ni. Sipaite chuan kar kaltaa Kokang helpawl laka beihpui an thlak ṭum khan an ram luah chin eng emaw zat an la let tawh niin an sawi bawk.
Helho leh sipaite inbeihnaah hian sipai 87 an thi tawh a, 218 in hliam an tuar tawh bawk. Hel lamah mi 101 thi tawhin 30 man an ni tawh bawk.