Australia-in rampawn aṭanga zirlai lak ti tlem dawn

Australia chuan ram pawn mi, lehkha zir lak luh theih zat chu kum 2025-ah mi 270,000 ah a tihniam dawn. Hei hi an rama pem lut pung zel tur venna kawng khat atana hma a lakna tur a ni.

He policy hnuaiah hian sorkar chuan ram hrang hrang aṭanga zirlai an lak luh ṭhin chu University huangah 145,000 leh skills training sector-ah 95,000 ah a tihniam dawn tih education minister Jason clare chuan nimin khan a puang a ni.

Kum 2023 khan Australia-a lehkha zir tura lut, student visa pek hi mi 600,000 dawn an tling a, kum hmasa lam aiin an pung nasa hle.

Thuneitu lam chuan university-te chu vawi eng emaw zat thurawn pe tawhin, ramdang aṭanga zirlai lut tam lutuk hian zirna insang ṭhenkhat an neih ṭhatte a chhiat phah an hlauthawng a ni. University tinte chu ram dang zirlai an neih theih zatte hriattir turin a hrilh nghal bawk.

Ram chhunga pem lut tam lutuk hian khawtual mite tan harsatna eng emaw zat a thlen a, inluah tur a tlem bakah a luah man thlengin a nghawng. Sorkar inrelbawlnaah nasa taka nghawng a neih avangin, Australia-ah hian kum nga liam ta aṭang khan rampawn aṭanga pem lutte chhawmdawlna pek ṭhin pawh a hniam ber ṭum a thleng mek. Pem lut pung zel venna atana ram dang zirlai lak luh tihhniam kawngah Australia hma hian Canada, Netherlands leh UK chuan hma an lo la tawh bawk a ni.