Japan-in an ram boruaka China aircraft thlawk lut an helh

China military aircraft, Y-9 chu Thawhṭanni khan Japan boruak ram chinah a thlawk lut a, hemi avang hian Tokyo-a China ambassador chu insawifiah tura koh a ni. Japan chuan he thil thleng hi pawmzam mai theih a ni lo tih a tarlang.

China Y-9 surveillance aircraft hi Kyushu thliarkar aṭanga chhim lam, Danjo thliarkar chungah minute 2 chhung a thlawk kual a, an boruak ram chin a nih avangin Japan chuan a helh hle. China sipai thlawhtheihnain Japan ram boruak a luhna hmasa ber a ni bawk.

Japan defence ministry chuan China chhanglet turin Danjo thliarkar lamah hian jet fighter tam tak an tir chhuak ve nghal tih an tarlang.

Japan deputy foreign minister Masataka Okano chuan Thawhṭannni khan China palai chu insawifiah tura koh nghal a nih thu leh, thleng nawn tawh lo tura an duh thu an hrilh. China palai hian an buaina chu Beijing lam a hrilh hriat tur thu Japan defence ministry hi a hrilh a ni.