Yemen-a car bomb puakah mi paruk an thi

Yemen chhim lama Aden international airport bul sipai hmunpuiah nimin khan car bomb pahnih a puak a, mi paruk an thi.

Bomb tipuaktute hian military bases luhna bulah car bomb hi an tipuak a, bomb puakin bang a tihchhiat aṭangin car pakhat chu sipai hmunpui chhungah hian tlanlutin bomb pahnihna an tipuak leh a ni.

Sipai hmunpui beitute hi Islam firfiakte nia hriat an ni.

Lawngchawlhna khaw-pui pawimawh, Aden hi Shiite Huthi helhoin an lak hnuah kum khat chuang liamta khan sipaiten la letin, Yemen sorkar kutah a awm mek a ni. Hetihlai hian Huthi helho kutah hian Yemen ram hmun zau tak chu a la awm mek.