Bangladesh-a Id hmanna bul-ah bomb tipuak

Bangladesh hmarlam, Kishoreganj district-ah nimin khan Eid puala ṭawngṭai inkhawm buatsaihna bulah bomb a puak a, police pahnih an thi a, mi dang pangain hliam an tuar.

Bomb puah hnu hian pawikhawihtute leh police-te hi an inkap zui a ni.

Pawikhawihtute hian police checkpost-ah bomb hi an vawm lut a, police pakhat a thi a, pawikhawihtu zinga pakhat chu police-ten an kaphlum bawk. Official-te chuan pawikhawihnaa inhnamhnawih mi eng emaw zat man an ni tih an sawi a, firfiak pakhat chu a nung chungin an man bawk.

Eng pawl mahin bomb tipuaktu an nih thu hi an la sawi lo.