Zimbabwe mipuiten lungawi lohna lantir

Zimbabwe mipuite chuan sorkar economic policy duh lohna lantirin rampum huap nawrh an huaihawt a, sumdawnna hmunte khar vek a ni a, public transport lam pawh a khaihlak phah hle.

Nilaini-a nawrh huai≠hawt hmingah hian 'stay-away-day' tih an vuah a, sorkarin a hnathawkte hlawh a pek theih loh ang te, sum indaih lohna nasa zel te, rampawn lam aṭanga thil lakluh chung≠changa khuah≠khirhna siam te leh, police-ten commercial driver-te hnen aṭanga tihluihna hmanga sum an lak ṭhinte an duh loh thu an tarlang.

Crisis in Zimbabwe Coalition campaign gro≠up thupuangtu, Du≠mi≠sa≠ni Nkomo chuan an ram chu sum lamah a tlachhe ta nia sawiin, mipuiten an tawrhna nasa tak chu an theih ang kawngin an lantir hun a thleng tawh a ni, a ti.

An ram khawpui, Harare-a nawrh huaihawtte chuan kawngpuite dangin motor ke-te an hal a, mipui pungkhawmte hnawhdarh nan hian police-te chuan tear gas-te an hmang a ni. Nawrh huaihawt zinga mi 20 vel chu police-ten an man a ni.