AIDS leh TB vangin Hepatitis vanga thi an tam

The Lancet medical journal-in ram hrang hrang 183 data a lakkhawm aṭanga report a tihchhuahah, khawvelah AIDS, TB leh malaria vanga thi aiin Hepatitis vanga thi an tam zawk niin a tarlang.

Ningani khan report hi tihchhuah a ni a, an zirchiannaah Hepatitis vei zinga 95% zet chuan an vei tih pawh an inhre lo niin a sawi. Kum 1990 khan hepatitis vanga thi mi 890,000 awmin, kum 2013-ah chuan thi zat hi 63% zeta pungin mi maktaduai 1.45 an tling niin a tarlang bawk.

Hetihlai hian kum 2013 khan AIDS vanga thi mi maktaduai 1.3 an awm a, TB vanga thi maktaduai 1.4 leh malaria vanga thi 855,000 an awm niin report chuan a sawi.

London-a Imperial College-a study leader, Graham Cooke chuan kum 1990 aṭang khan TB leh malaria vanga thi an tlem tial tial laiin, hepatitis vanga thihna thleng erawh a pung a ni, a ti.