Benghazi-ah bomb a puak

Libya khawpui lian ber dawttu Benghazi-a Eid al Fitr hmanga mipui an ṭawngṭai laiin car bomb tihpuah a ni a, mi 11 an thi.

Bomb hi tu tihpuah nge tih hriat a ni lo a, sipai hmun bitum a ni a, thite hi sipai vek an ni. Sipai general, Khalifa Haftar-a'n IS kut aṭanga Benghazi a laklet hnu hian bomb hmanga beih a ni fo. Tripoli-a UN kaihhruai sipaite Haftar hian a thawhpui duh loh avangin khawthlang ramte chuan an sawisel fo a ni.

Pathianni khan Benghazi-ah hian car bomb tihpuah a lo ni tawh bawk a, hemi ṭum hian mi pahnih an thi a, June 24 pawh khan bomb tihpuah a ni bawk a, civil mi pali laiin an thih phah a ni.