Myanmar-a Rakhine state-ah tui a lian

Myanmar-a Rakhine state-ah tui lian avangin mi 6,000 chuangin harsatna an tawk mek.

Official media chuan Thawhlehni aṭangin ruahsur nasa avanga Laymyo leh Kaladan lui lian chuan khaw pali - Kyauktaw, Mrauk-U, Myebon leh Minbya-ah harsatna a thlen tawhniin a tarlang. Hmun hniam lama khawsate chu sawnchhuah an ni tawh a, monastery-ah an awmna lailawk tur siamsak an ni.

Tuilian hian high school leh middle school 204 a chim tawh a, Yagon-Sittway highway pawh tuilian vangin motor tlan a bahlah phah bawk.

Tuilian tuarte chhawmdawl hna hi thawk nghal a ni a, hmun ṭhenkhat tlawhpawh theih lohte chu thlawhtheihna hmangin an ei tur leh mamawh dangte thlaksak an ni. Tuilian hian thlai chinna ram zau tak a chim chhe tawh bawk a ni.