US Forces Korea tan THAAD dah dawn

South Korea leh United States sipai hotute chuan Korean peninsula-a US Forces Korea (USFK) tan advanced US missile defence system, Terminal HIgh Altitude Area Defence (THAAD) dah an remti.

Ram pahnihte chuan thuchhuah inṭawm siamin, North Korea-in nuclear test a nei ṭhin leh, ballistic missile a enchhin fo chuan South Korea leh Asia Pacific bial pum himna a tiderthawng a ni, an ti. Kumin February thla aṭangkhan THAAD system dah tur leh tur loh chungchang hi an sawi dun tawh a, NKorea-in nuclear ralthuam a enchhin chhunzawm zel avangin missile defence lam thuam chak hi a ṭul ta nia an ngaih thu an sawi.

Thuchhuah an siamah, South Korea-US chuan USFK tana THAAD system an dah tur hi North Korea lak aṭanga South Korea ram leh a mipuite venhimna tur a ni, an ti. THAAD hi Korean peninsula-a dah a ni pawhin,thil dangah hmang loin, NKorea-ina beih tur lekah lo invenna atan chauh hman a nih tur thu an sawi bawk.