NKorea-in an laka indo puangah US a puh
US-in North Korea ram hotu lu ber, Kim Jong-un leh official dang 10-te chu North Korea-a mihring dikna chanvo nasa taka palzut an nih chungchangah mawhphurhtuah puhin a hrek thu a puang a, hei hi an laka indo puanna anga a ngaih thu NKorea chuan a sawi.
NKorea chuan Kim hrek a ni chu thil tihawm lo leh tenawm tak a ni tiin, US thiltih chu na taka chhan let ngei a tiam. Foreign ministery chuan US thiltih dan chu englai maha ngaihdam theih loh pawikhawihna lian tak a ni, a ti.
US Treasury under-secretary for terrorism and financial intelligence, Adam Szubin chuan Kim Jong-un hrek a nih chungchang hi sawifiah, a rorelna hnuaiah NKorea ram mipuite dinhmun a chhe hle a, tihduhdah leh nghaisak, tihluihna hmanga hnathawka chhawrte an tawk fo a ni, a ti.