NKorea missile enchhin hlawhchham

South Korea chuan Inrinni khan North Korea-in submarine aṭangin ballistic missile a kapchhuak a, mahse a missile kahchhuah hi a tum fuh loin a tla niin a sawi.

Tunhnaiah Korean Peninsula-ah NKorea lamin a vau leh beihna thleng laka invenna turin advanced anti-missile system dah an tum thu SKorea leh US chuan an lo sawi tawh a, hemi hma hian US chuan NKorea ram hotu lu ber Kim Jong-un hrekna tur a siam bawk. Heng thil hian NKorea a tithinur hle a, Kim hrekna siam chu an ram laka indo puanna anga an ngaih thu pawh an lo sawi hial tawh a ni.

South Korea Office of the Joint Chiefs of Staff chuan thuchhuah siamin, missile hi Seoul time-a chhun dar 11.30 ah Korean Peninsula khawchhak lam tuipui aṭanga kahchhuah a ni a, mahse kahchhuah a nih hnu lawkah a tla nghal niin a tarlang.

Japan, US leh SKorea chuan missile kahchhuah a ni leh chu United Nations (UN) in NKorea ram hrekna a siam palzutna a ni tiin, an dem thu an sawi.