South Sudan-a buaina chhuakah mi 100 chuang thi

South Sudan khawpui, Juba-a buaina chhuakah mi 100 chuang an thi.

Kar kalta Zirtawpni zan khan South Sudan President Salva Kirr leh Vice President Riek Machar-te chuan state house-ah meeting an nei a, meeting neihna bulah hian Kirr leh Machar-te inkarah buaina chhuakin an inkap zui a, khawpui chhung hmun dangah buaina hi a punlun chho ta a ni. Darkar chanve vel zet pawl hnihte hi an inkap a ni.

South Sudan hi kum nga kalta khan Sudan ram aṭangin a inla hrang a, khawvela independence ram thar ber a la ni. Mahse official-te chuan sum lam an harsat avangin official-a lawmna siam an tum lo tih an sawi.

Independence an hmuh hnu hian Kirr leh Machar pawlte hi nasa taka intibuaiin, tualchhung indona a thlen phah a, mahse nikum August thla khan inremna an siam a ni. Tualchhung indona thleng vang hian civil mi tam tak an thi a, mi nuai tel chu hmun him lamah an tlanchhe bawk.