Dallas-a pawikhawihtuin thurualpui a nei lo

Kar kaltaa Dallas, US-a kawngzawh huai≠hawt≠naa police officer panga kaphlumtu chu army veteran, Micah Xavier Johnson (25) niin, thurualpui dang a nei lo niin police-te chuan an sawi.

Police-te chuan kawng≠zawh laia police offi≠cer-te kahhlum an nih hian hmun hnih aṭanga kah nia an hriat avangin midang inrawlh an awm an ring a, mahse a hnuah Johnson hian hmun hnih aṭang hian a kap a ni tih an sawi leh a ni.

Kum 25 mi, Johnson hi Afghanistan-ah te awm tawhin, criminal record engmah a la nei lo a, mahse Dallas-a pawi≠khawihna thleng hi a hma daih aṭanga alo ruahman tawh nia a lan thu an sawi. A chenna in an dapnaah bomb siamna hmanrua te, ballistic vest, rifle, silai mu bakah mi≠hangte lungawi lohna kalpui dan chungchang ziahna lehkhabu te an hmu a ni.

Tunhnaia police-ten mihang pahnih an kahhlum avangin lung≠awi lohna lantirin US khaw≠pui hrang hrangah kawngzawh hi huaihawt a ni a, Dallas-a kawngzawh laiin police officer duty-te hi kahhlum an ni.

US President Barack Obama chuan Dallas-a pawikhawihna thleng vang hian Europe tlawha a zin pawh ni khatin a pawt tawi a, nimin khan an ramah a kir a, Dallas khawpui hi tlawh thuai a tum.

US President thlanna neih tura Republican president candidate tur, Donald Trump chuan police officer-te kahhlum an ni chu an ram beihna a ni a ti a, hemi rual vek police-ten African-American pa≠hnih an kaphlum chu thil lungchhiatthlak tak a ni, a ti bawk. Trump chuan an ram mipuite chu an lungrual ṭha tawk lo tih sawiin, America mipui tam tak chuan hmalam beiseina pawh an nei ṭha ngam tawh lo a, pawikhawihna thleng chuan mi tam tak a tina ṭhin a ni, a ti.

Dallas-a pawi≠khawih≠na thleng hian silai khuahkhirhna dan khauh zawka siam chungchanga inhnialna pawh a chawk chhuak leh bawk. President Obama leh Democratic president candidate tur Hillary Clinton-i, Democratic leh civil rights hruaitute chuan dan khauh zawk siam an duh laiin, conser≠vative politician leh media lam chuan an thlawp lo thung.