al-Shabab hotu Adan Garar a thi

US defence department chuan Somalia-a firfiak pawl, al-Shabab hotu Adan Garar chu kar kalta Zirtawpni khan drone hmanga beihnaah a thi tih a sawi.

Garar hi kum 2013-a Nairobi-a Westgate Mall beihnaa a mawhphurtu bera ngaih a ni a, he pawikhawihna thlengah hian mi 67 an thi.

US chuan Garar hi US mi bakah khawthlang lam mite beihna hrang hrangah a bul tumtu ber niin a ngai. Kum 2011 aṭang kan US chuan Somalia ram chhunga firfiakte do let tura dah, African Union (AU) sipaite hi a lo pui tawh a ni.

Pentagon chuan Garar-a thihna hian Somalia-a al-Shabab pawl hi a nghawng na hle dawn tih a sawi. Garar thih thu puan a nih hma lawk hian firfiakte hian Kenya hmarchhak bialah mi pali an that a, AU force-ah a sipaite a tel tir ve avangin Kenya chu hremna pek an tum thu an sawi.