Japan company-te'n hnathawkte hlawh tisang dawn

Japan Prime Minister Shinzo Abe-a'n a nawr angin Japan rama company-te chuan an hnathawkte hlawh an tisang dawn.

Hnathawkte hlawh tisang tur company zingah hian company lian Toyota, Panasonic leh Hitachi-te pawh an tel a, hlawh an tihpunna hi ṭum khata an tihsan nasat ber ṭum a ni.

Hlawh tipung tura inremna hi company leh union-te annual talk, 'shunto'-a siam a ni.

Toyota chuan Japanese worker, full-time a thawkte thla hlawh, baseline pay chu dollar 43-a tihpun a remti a, hei hi kum 13 chhunga a san ber ṭum a ni. Hlawh hi seniority-in regular taka tihpun zel a ni bawk ang. Company lian dangte thla bi hlawh an tihdan pawh a in ang tlangpui.