Thai Court-in PM hlui thubuai siamsak a remti

Thailand Court chuan an ram Prime Minister hlui, Yingluck Shinawatra-i chu loneitute hnena sum pekna tura buhfai man to taka leina scheme a siam chungchangah, criminal case siamsak a remti.

Shinawatra-i Prime Minister laia sorkarin Shinawatra chhungkua thlawptu loneitute hnen aṭanga man to taka buhfai a lei avang hian sorkar chuan sum tam tak a hloh a ni. Hemi chung­changah hian PM hlui hi sum eirua puh a ni lo a, mahse he program hi a lo dan loh avangin sorkar hmalak dan ngaihtuah lo leh inthlahdahah puh a ni thung. He thil thleng vang hian a thuneihna aṭanga ban a nih bakah, kum nga chhung politics khel thei lo tura hrem a lo ni tawh bawk.

Yingluck-i chuan an puhna chu a dik lo tih a sawi thung a, a laka thubuai an siam danah politics a inrawlh a ni, a ti. "Court-ah thil dik lo ka tih lohzia hi hailan a la ni ngei ang," a ti.