Ukraine-in Russia beih nan long-range drone a hmang

Ukraine chuan western technology leh suma an puihna hmangin, Russia ram chhung beihna atan long-range drone a hmang nasa hle.

NATO chuan Ukraine hi khawthlang ramten ralthuam an pekte chu Russia beihna turin phalna pe lo mah se, Ukraine hian tun hnaiah Russia ram chhungah long-range strike a nei fo a ni. An target zingah hian air force base, oil and ammunition depot leh command centre-te an tel.

Ukraine firm-te pawhin armed one-way attack drone hi an siam chho mek tawh bawk a, hei hi Russia pawhin a tuar phah tawh hle niin an sawi. Thla 18 chauha upa, Terminal Autonomy company pawhin AQ400 Scythe long-range drone chu thla khat chhungin za chuang a siam hman a, he drone hian km 750 chin a kap thei a ni.

Drone hmanga Russia an beih hi zan lamah an kalpui ber a, a tam zawk erawh chu kah thlak niin, 10% velin target hi an fuh niin an sawi.