NKorea-in US leh SKorea beih letah vau

North Korea chuan US leh North Korea-in Korean peninsula-a Terminal High Altitude Area Defence (THAAD) system dah an tum chu an tipuitling a nih chuan beih letah a vau.

Officoal KCNA news agency chuan hemi chungchang hi tichhuakin, THAAD dahna hmun tur hi tihfel a nih hunah Korean People's Army-ten an bei let dawn a ni, a ti.

Kar kalta Zirtawpni khan US leh SKorea chuan thuchhuah inṭawm siamin, NKorea-nuclear ralthuam leh ballistic missile laka SKorea ram leh a mite venhimna atan THAAD hi dah an tum thu an sawi. China leh Russia bakah an ram hnaihvaia awmte chuan he thil hian nghawng ṭha lo a neih theih avangin dah lo tura an duh thu an lo sawi tawh a ni.

NKorea chuan an ram himna tura an hmalakna US leh SKorea-in ramdang himna tiderthawng leh, Korean peninsula-a THAAD dah an tum invenna tur tia an sawi chu thu awmze nei lo a ni, a ti. Thupek an hmuh rualin, NKorea sipaite chuan South Korea ram chu meialhah an chantir mai dawn niin a sawi bawk.