Israel-in human rights tan dan a siam

Israel Parliament chuan an rama human rights pawl hrang hrang khuahkhirhna tur dan khauh zawk a siam a, he dan thar hian sawisel a hlawh zui hle.

Thawhṭanni tlaia Parliament-a vote laknaah, dan thar siam hi member 57 in an thlawp a, a duh lo lamah vote 48 a tla thung.

Dan thar pass tak hian Israel rama human rights pawl hrang hrang, an sum hmuh zahve chin ramdang sorkar emaw, political organization emaw aṭanga hmu chin a huam dawn a ni. Pawl a huam chinte chu TV, newspaper, billboards leh online-ahte ramdang aṭanga ṭanpuina sum an dawna innghat an ni tih tarlang vek tura tih an ni. Hetihlai hian private donation-a innghat, Hawkish group-te chu he dan hian a huam tel lo thung.