NKorea-in inbiakpawhna a ti tawp dawn

North Korea chuan US-in an ram hotu lu ber, Kim Jong-un hrekna a siam avanga lungawi lohna lantir nan ram pahnihte inbiakpawhna awmchhun chu tihtawp a tum thu a sawi a, hei bakah hian an rama American mi tang awmte pawh hremna na zawk pek a tum thu a sawi.

NKorea leh US hian palai an intir tawn lo a, New York-a UN channel chu palaiten inbiakpawhna atana an hman a ni. Mahse NKorea chuan an rama human rights palzutnaa mawphurtua puh, Kim hrekna tur US-in a siam avangin hei pawh hi tihtawp a tum ta a ni.

NKorea sorkar hnuaia Korean Central News Agency (KNCA) chuan US hian Kim leh official dangte a hrekna hnukdawk tura a ngenna chu a pawmsak loh avangin a ṭul angin hma an la ve ta niin a sawi. US nena an inkar boruak pawh an chingfel vek dawn tih a sawi a, American mi tang awm mek≠te chung≠chang pawh wartime law hmangin an relsak dawn niin a sawi.

Nuclear weapon programme a kalpui avangin NKorea ram hian hrek a tawk mek a, mahse US-in Kim hrekna a siam hi mimala hrek a nihna hmasa ber a ni.