Exam paper putru vangin social media site block

Ethiopia chuan University exam zawhna internet-ah post a nih avangin exam hun a sawnhla a, rampumah social media site hrang hrangte chu a block.

Exam sheet put ruk vang hian sorkar pawhin beih a tawk nasa hle a ni. Hei vang hian social media site-te block nghal a ni a, Facebook, Twitter, Instagram leh Viber-te chu kar kalta Inrinni aṭang khan hman theih lohin a awm a, vawiin-ah exam zawhfel a nih hunah chauh hawn leh a ni dawn niin sorkar official-te chuan an sawi.

Hetihlai hian mi tam takin media site block a ni hi an sawisel a, a hnuah pawh eptu lamte hrek≠na atana hetiang thil hi a hman chhunzawm zel a hlauhthawnawm thu an sawi. Kar kalta khan UN Human Rights Council chuan internet block ṭhin chu human rights palzutna a nih thu a lo sawi tawh bawk a ni.