Singapore PM hlui Lee Kuan Yew dinhmun a ṭha lo

Singapore Prime Minister hmasa ber, Lee Kuan Yew chu kumin Febuary 5 aṭangin pneumonia avangin damdawi-inah enkawl a ni a, intensive care unit-ah dahin a dinhmun a ṭha lo hle.

Lee Kuan Yee hi modern Singapore din tu, kum 1959-1990 thleng khan an ram hi a hruai a, tunah kum 91 mi a ni tawh a ni.

Prime Minister office chuan President hlui dinhmun hi Nilaini zan aṭang khan a tlahniam sawt hle niin a sawi a, hetihlai hian a thi nia social media lama thu thang chu thu dik lo a nih thu a sawi bawk.

President aṭanga a chawlh hnuah pawh Lee hian vantlang rawngbawlna leh politics thilah a inhman chhunzawm reng a, rorellai sorkar kaih­hruaitu pawimawh tak a la ni thei. A fapa, Lee Hsieng Loon chu kum 2004 aṭang khan Singapore Prime Minister a ni.