Obama-a'n hun remchang bawhpelh lo turin Iran a chah
US President Barack Obama chuan Iran ram hruaitute chu nuclear deal siam tura hun remchang a neih chu bawhpelh lo turin a ti a, hetiang hun remchang ṭha hi a awm leh tawh mai dawn lo tih a sawi.
Obama chuan Switzerland-a Iran nuclear program chungchanga inremna siam tura inbiakna neih mek chu sawilangin, hun ṭha an neih chu bawh a ngai a ni, a ti.
US President chuan P5+1( US, Britain, China, France, Russia + Germany) leh Iran aiawhte'n inbiakna an neih mekah hmasawnna hmuh tur tam tak awm mah se, thil chinfel theih loh awm a la awm niin a sawi.
Kum khat liamtaa inremna lailawk an lo siam chu Iran leh US chuan an zawm ṭha hle niin Obama chuan a sawi a, he inremna hnuaiah hian Iran chuan US kaihhruaia khawthlang ramte'n an hrekna hlih ṭhen a nih theihna atan nulcear program a kalpui mek chu a chawl lailawk a ni.