Palestinian state chungchangah Netanyahu inphahhniam leh

Israel Prime Minister Benjamin Netanyahu chuan inthlanpui neih dawna Palestinian state din a remti dawn lo tih a sawi chung­changah inphahhniam lehin, state pahnih din tumna chu ṭha a ti a, mahse hemi hma hian thil awmdan chu an thlak danglam phawt a ngai tih a sawi.

Netanyahu chuan, "One state solution chu ka duh bik lo a, boruak ṭha leh muanawm tak hnuai­ah state pahnih dintir chu ka duh alawm. Mahse he thil thlen tir tur chuan thil awm­dan hi kan thlak phawt a ngai a ni," a ti. Hemi rual hian vote thlak nia Israeli-Arab te vote thlak chungchang a sawi, chi inthliarna lam hawi nia puhna chu thu dik lo a nih thu a sawi bawk.

Arab voter leh Palestinian state chungchang a sawi danah US chuan Israel PM hi sawisel mah se, Ningani khan Parliament inthlana a party, Likud Party chak vangin US President Barack Obama chuan Netanyahu hi biain lawmpuina a hlan.