Germany-in Afghanistan mite thawn haw

Germany chuan an rama Afghanistan ram mi, pawikhawihna avanga thiam loh chantirte ch u nimin aṭang khan an ramah a thawn haw leh ṭan tih a sawi.

Kar liam taa festival neihnaa Islamic State firfiak nena inzawmna nei nia sawi mi pakhatin pawikhawihna a thlen leh, June thlaa Afghan miin German police a vihhlum avangin, Germany sorkar chu an rama ram dang mi pem lutte chunga khauh taka hma la tura nawrna a nasa hle a ni.

Qatar sorkar hmalakna hnuaia hun eng emaw chen Germany leh Afghanistan-ten inbiakna an neih hnuah, nimin khan Leipzig aṭangin pawikhawihtu thiam loh chantir tawh, mi 28-te chu Kabul lamah thawn haw an ni ta a ni.