Mi 22 chuanna Russian helicopter chin hriat lohin awm

Russia state media chuan Inrinni, August 31 khan Russia helicopter, mi 22 chuanna chu Kamchatka khawchhak lamah chin hriat lohin a awm niin a tarlang.

Helicopter hi Vachkazhets volcano bulah chin hriat lohin a awm a, zawng tur hian airline dang tirh nghal a ni. Chin hriat loha bo Vityaz-Aero airline helicopter, Mi-8T niin, Vachkazhets volcano area aṭanga thlawk chhuakin, km 25-a hla Nikolaevka khaw pan tur a ni. Mahse an thlen hun tura ngaihah biakpawh theih an ni ta lo niin Russian news outlet chuan a tarlang. Thil thlen dan enfiah leh chhanchhuah hna thawk turin, Russian Emergencies Ministry chuan Mi-8 helicopter pawh a tir chhuak bawk a, nimin tlai thleng khan chin hriat a la ni lo.

Inrinnia helicopter thlawhna hmunah hian chhum a zing nasa a, ruah leh thli a thawk bawk. Kamchatka Peninsula hi Russia khawpui, Moscow khawchhak lam, km 7,100 vela hlaa awm a ni.