Khawvelah Covid-19 kai mtd 25 chuang awm tawh

Khawvela hripui leng mek, Covid-19  kai hmuh chhuah tawh chu nimin thleng khan mi maktaduai 25 an chuang tawh. Hripui vanga thi hi mi 8,40,000 chuang an awm tawh bawk a ni. 

US chu hri kai tamna leh thihpui tamna ber ram a la  ni chhunzawm zel a, Brazil leh India-in an dawt a ni. Hetih lai hian August 7 aṭang khan nitina hri kai hmuh thar hi US leh Brazil aiin India ramah a tam ziah tawh thung.  US-ah hian hri kai hmuh thar leh thihpui zat hi nitin a tlahniam chho zel a, hetih lai hian Midwest lamah erawh hri kai an pung thar thung. 

Khawvel pumah hri kai hmuh thar punna hian ziaawm lam a pan ṭan a, March thla khan nitina hri kai thar zat 7.7% niin, April-ah 4.6%, May-ah 2.1%, June-ah 1.8%, July-ah 1.7% niin August thlaah chuan 1.2% ah a tlahniam tawh a ni.