Namibia President thar Geingob

Hage Geingob chu kar kalta Inrinni khan Nimibia President thar atan an ram khawpui, Windhoek-ah rinawmna thu tiamtira lakluh a ni.

President thar lakluh inkhawm hi zing dar 9.30 ah Independence Stadium-ah neih a ni a, sorkar official leh ram dang palai eng emaw zat an tel. Zimbabwe ram hruaitu Robert Mugabe, Zambia hotu Edgar Lungu, Nigeria hruaitu Ebele Azikiwe Jonathan leh Tanzania ram hruai­tu Jakaya Kikwete-te pawhin an telpui a ni. China President Xi Jinping chuan a aiawh turin Transport Minister Yang Chuantang a tir bawk.

Kum 74 mi, Geingob hi nikum November thlaa President thlannaah khan thlan tlin niin, kum 1990 an ram independence hnua President pathumna a ni.