NKorea-in 'The Interview' film thawnluh tumte a vau

North Korea sipaite chuan South Korea activist-ten an ram hotu, Kim Jong-Un chanchin fiamthu lam hawi film-a siam, 'The Interview' chu balloon hmangin thawn luh an tum tih sawiin, hei hi an tilui a nih chuan an balloon thlawhtirte chu an lo kahsak dawn tih an sawi.

SKorean activist-te hian CIA-in NKorea hotu Kim Jong-un thah tuma a phiar dan, fiamthu film-a siam hi a DVD copy 10,000 chu March 26-ah balloon hmangin NKorea-ah hian thawnluh a tum a, hei bakah hian leaflet 500,000 thawn luh a tum bawk.

NKorea sorkar chuan activist-ten balloon chhuah an tum hi sawisel­in, an lo bei let ngei dawn tih an sawi. Ramri biala awmte pawhin SKorea activist-te thiltih hian dinhmun derthawng­ah a dah phah dawn tih an sawi bawk.