US defence secretary-in Afghanistan a tlawh

US Defence Secretary Ashton Carter chuan puangzar lawk loin Thawhlehni khan Afghanistan a tlawh a, Afghan hruaitute leh US sipai hotute a kawm.

Afghanistan-ah hian fiarfiakte chetna a hluar avangin, ram hruaitu pawimawhte chuan security lam venthawn thilah an zin tur hi an puangzar lawk lo fo a ni.

Pentagon hotu hian Afghanistan President Mohammad Ashraf Ghani, Chief Executive Abdullah Abdullah bakah Defence Minister Abdullah Khan Habibi a hmu a, US leh NATO military commander-te a kawm bawk.

US hian Afghanistan rama firfiaka laka beihpui thlak tura sipai a dah tam zawk chu a lachhuak tawh a, mahse tunah hian Afghan sipaite training pekna, Nato kaihhruai Resolute Support (RS) mission hnuaiah US sipai hi 9,800 vel an la awm chhunzawm a ni. US sipai tel hian ramdang sipai 13,000 vel chu Afghanistan ramah hian dah an la ni.